साहित्य : १ कप चणाडाळ, १ कप किसलेला गूळ, १ कप मैदा, १/२ कप गव्हाचx पीठ, ७ ते ८ टी-स्पून तेल, १ टी-स्पून वेलची पूड, एक चमचा जायफळ-सुंठ पीठ, कोरडं तांदळाचं पीठ, २५० ग्रॅम किसलेला तांबडा भोपळा, साजूक तूप.
कृती : चणाडाळ कुकरमध्ये चणाडाळीच्या अडीचपट पाणी घालून ती शिजवून घ्या. डाळ शिजली की त्यातील पाणी निथळू द्या (हे पाणी वापरून कटाची आमटी करता येते.). डाळीतील पाणी काढून टाकल्यावर ही डाळ पातेल्यात घेऊन त्यात किसलेला गूळ व किसलेला मैदा घालून मध्यम आचेवर ते मिश्रण आटवा. आटवताना ढवळत राहा. ढवळायचं थांबवल्यास मिश्रण पातेल्याला लागून करपू शकतं. या पुरणात १ चमचा वेलचीपूड, सुंठ आणि जायफळ पूड घाला. मिश्रण घट्टसर झालं की पातेलं गॅसवरून उतरवा व मिश्रण पुरणयंत्रातून फिरवून घ्या. मैदा व कणीक एकत्र करून त्यात ५-६ चमचे तेल घालून सैलसर मळा. भिजवलेलं पीठ २ तास मुरू द्या. करताना पुरणाचे दीड इंचाचे गोळे बनवून घ्या. मैद्याचा अर्धा ते एक इंचाचा गोळा घ्या व त्याची पातळसर पारी बनवा. त्यात पुरणाचा गोळा भरून सर्व बाजुंनी बंद करून घ्या. पोळपाटावर थोडं तांदळाचं पीठ घेऊन हलक्या हाताने पुरणपोळी लाटून घ्या. तव्यावर खरपूस भाजा. तयार झालेली पुरणपोळी साजूक तूप घालून गरम गरम सर्व्ह करा. या पुरणपोळ्या टिकाऊ असतात. आठेक दिवस सहज टिकतात. थंड पुरणपोळ्या दुधाबरोबर छान लागतात.
- प्रज्ञा मंगेश जोंधळे, वरळी
मोबाइल अॅप डाउनलोड करा आणि राहा अपडेट